Accionistas por un ben común: dez anos de Fiare Banca Etica

O informe Accionistas por un ben común celebra o décimo aniversario de Fiare Banca Etica. O estudo subliña o impacto positivo do banco non só no ámbito financeiro, senón tamén no cultural e social, e analiza o impacto ao longo de dez anos, ofrecendo unha visión clara de como as súas accións contribuíron á transformación das finanzas e ao desenvolvemento dunha economía máis xusta e equitativa. Amosa como, desde a súa creación en 2014, Fiare demostrou que é posible construír un modelo de banca que prioriza o ben común, o coidado do planeta e o respecto polos dereitos humanos.

Estos son algunos de los datos del progreso financiero de Fiare Banca Etica que podrás encontrar en el informe “Accionistas por un Bien Común”. Descúbre el impacto financiero, cultural y social de Fiare, en el informe completo, disponible en nuestro blog.

O compromiso coa sostibilidade integral

Unha das principais características do noso banco é o seu enfoque na sostibilidade integral, un concepto que abrangue as dimensións económica, social e medioambiental. Lonxe dos modelos tradicionais de banca, Fiare busca maximizar os beneficios non só para a súa clientela, senón tamén para as comunidades e o medio ambiente.

Durante a última década, Fiare financiou proxectos que promoven economías sostibles e máis equitativas. Entre 2021 e 2023, destinou 51,6 millóns de euros a organizacións que fomentan modelos empresariais cun enfoque social. Este apoio permitiu, por exemplo, a creación de 16 629 empregos para persoas en situacións de vulnerabilidade e o desenvolvemento de prácticas como o comercio xusto, a agricultura social e o turismo responsable.

Ademais, o banco desempeñou un papel crucial na protección dos bens comúns ambientais, destinando 27,6 millóns de euros a proxectos para a preservación da natureza, como o financiamento de 83 instalacións de enerxías renovables e a conservación de 166 500 hectáreas de terra.

Crecemento financeiro sólido

Desde os seus inicios en 2014, Fiare experimentou un crecemento financeiro significativo, que reflicte a confianza das persoas e organizacións no seu modelo ético. Os depósitos en Fiare medraron a un ritmo medio do 25 % anual desde 2015, moito máis rápido ca a media do sistema bancario español, que se situou nun 3 %.

Este crecemento tamén se reflicte na carteira de préstamos, que acadou os 107 millóns de euros en 2023. Estes préstamos financiaron proxectos cun impacto social e medioambiental positivo, como iniciativas de eficiencia enerxética que aforraron 711 000 kWh e a mellora na xestión de 953 000 toneladas de residuos.

Educación financeira: unha acción transformadora

Fiare Banca Etica non só ofrece servizos financeiros, senón que tamén busca educar e concienciar a cidadanía sobre o papel das finanzas na creación dunha sociedade máis xusta. Segundo o informe, o 27,5 % das persoas enquisadas indicaron que agora comprenden mellor os seus dereitos como aforradoras, e un 24,8 % melloraron a súa capacidade para xestionar o seu aforro e liquidez. Este labor educativo é fundamental para apoderar as persoas a tomaren decisións financeiras máis responsables e conscientes.

Ademais, o 60 % das persoas enquisadas afirmaron que a súa relación con Fiare xerou un cambio positivo na súa forma de pensar e actuar, mentres que o 50 % das organizacións consultadas mencionaron un impacto na súa conciencia sobre a responsabilidade social e medioambiental.

Unha década de impacto

Ao longo dos seus primeiros dez anos, Fiare Banca Etica demostrou que é posible facer finanzas dun xeito diferente, poñendo as persoas e o planeta no centro das súas decisións. Con 3738 socias e socios en 2023 e un capital social en constante crecemento, Fiare está preparada para afrontar os retos do futuro e seguir contribuíndo á construción dunha economía máis inclusiva e sostible.